ဝန်ကြီးဦးအောင်မင်းနှင့် လက်ပန်တောင်းတောင် ကြေးနီစီမံကိန်း ဖျက်သိမ်းရေး တောင်းဆိုသူများ တွေ့ဆုံကြသည့် ရုပ်သံသတင်းမှာ စစ်အုပ်စုနှင့် ၎င်းတို့၏ လက်ပါးစေများမှလွဲ၍ အများပြည်သူလူထု အတွက် အတော်ပင် ကြည့်ကောင်းလှသည့် သတင်းဖြစ်သည်။ ဆရာတော် သံဃာတော်များကို အမှူး ထား၍ နှစ်ဘက် လျှောက်ထားဆွေးနွေးပြောဆိုကြခြင်း ဖြစ်၏။ စီမံကိန်းကို လုံးဝဖျက်သိမ်းရမည့် ကိစ္စ နှင့် ပတ်သက်၍ ဒေသခံ ရွာသူကလေး၏ ပြောကြားမှုများကို ၀န်ကြီး ဦးအောင်မင်း မည်သို့မျှ စောဒက တက် မချေပနိုင်ပဲ၊ ဤကိစ္စမှာ ဟိုယခင် စစ်အစိုးရလက်ထက်ကတည်းက လုပ်လာခဲ့သည့်ကိစ္စ ဖြစ် ကြောင်း၊ (သူတို့အဖွဲ့နှင့် မဆိုင်ရကြောင်း ပြောလိုခြင်း ဖြစ်ပုံရသည်။) သူတို့မှာ တရုတ်ကိုလည်း ကြောက်နေရကြောင်း၊ မြစ်ဆုံစီမံကိန်းတခုတည်းကိုပင် ဖျက်သိမ်းလိုက်မည် ဆိုပါက တရုတ်ကို ဒေါ်လာ သန်း ၃ထောင်ခန့် ပေးလျော်ရမည် ဖြစ်ကြောင်း၊ တပည့်တော်တို့ဘက်ကို ထောက်ထား နားလည်စေ လိုကြောင်း၊ တပည့်တော်တို့ကလည်း တရုတ်ရဲ့ ကျေးဇူးကို ထောက်ထားရကြောင်း၊
၈၈မှာ တိုင်းပြည် ပျက်တော့ ၎င်းတို့စစ်အုပ်စု စားစရာမရှိစဉ်၊ မူဆယ်လမ်း ဘက်ကနေ ရိက္ခာတွေ သွင်းရကြောင်း၊ တိန်ရှောက်ဖိန်လက်ထက် တရုတ်က ဗကပကို အကူအညီ ဖြတ်တောက်လိုက်သောကြောင့် ဗကပ ပြိုကွဲ သွားခဲ့ကြောင်း၊ ထိုကျေးဇူးတွေ ရှိနေကြောင်း၊ ယခု တရုတ်ကို စိတ်ဆိုးအောင်လုပ်မည်ဆိုလျှင် တရုတ်က နယ်စပ်မှအဖွဲ့တွေကို အကူအညီ ပြန်ပေးနိုင်ကြောင်း၊ ထိုအခါတွင် ၎င်းတို့အနေဖြင့် စီးပွားရေး ဖွံ့ဖြိုးရေးကိစ္စများ လုပ်သည့်နေရာတွင် (ကာကွယ်ရေးအတွက်) နောက်ပြန်လှည့်ကြည့်နေရမည် ဖြစ်ကြောင်း ပြောသည်။
(အောင်မင်းနောက်လိုက်လုပ်လိုသော ကေအဲန်ယူမှလူတစုသည်လည်း အောင်မင်း၊ သိန်းစိန် ပေးသောကျွေးသောလာဘ်ကိုစား၍ ကရင်လူထုအားမကြာခင်ထိုသို့ပြောရမည့်လမ်းကိုလျှောက်ဖို့ပြင်နေကြလေပြီ)
ဒေသခံခေါင်းဆောင် အမျိုးသမီးငယ်ကမူ တရုတ်ကို ကျေးဇူးဆပ်ခဲ့ရပေါင်း များပြီ ဖြစ်၍ မဆပ်နိုင်တော့ကြောင်း ပြောပြီး၊ မိမိတို့ကိုယ်တွေ့ ကြုံဆုံနေရသည့် လက်ရှိ အခြေအနေနှင့် အနာဂတ် အတွက် ဆိုးဝါးသည့် ရလဒ်များ ရရှိလာမည့်အပေါ် အခြေခံကာ အမှန်တရားဘက်မှ ရပ်တည် တောင်းဆို သွားသည်။
( ပြည်တွင်းပြည်ပမှကရင်တမျိုးသားလုံးအောင်မင်းနောက်လိုက်ခေါင်းဆောင်တစုကိုစိုးရိမ်စွာသတိပေးဆန္ဒ္ဒ္ဒထုတ်ဖော်နေကြပြီ၊ ပြည်သူ့အသံကိုလေးစားနားထောင်ပါ)
ဦးအောင်မင်း ဘာမျှ မပြောသာချေ။ တအင်းအင်း တအဲ့အဲ့ဖြင့် ကြားဖြတ် ပြောဆိုရန် ကြိုးစားသေးသော်လည်း ရပ်တည်ချက် ခိုင်မာသော အမျိုးသမီးငယ်ကို မယှဉ်နိုင်။ ဦးအောင်မင်း လှီးလွှဲပြောဆိုသည့် စကားတွေမှာ
ပေါက်ပန်းဈေးစကားများ ဖြစ်နေပြီး၊ ခြေကာလက်ကာဖြင့် ဆင်ခြေပေးလိုက်သည့် စကားများ အတွင်း “တချို့ ဥစ္စာတွေကျတော့ ချပြောလို့ မကောင်းတဲ့ ကိစ္စတွေ” ဆိုသော စကား၊ “ စိတ်ထဲ မှာပဲထား ဘာမှ ဟိုဒင်း မဖြစ်နဲ့” စသော စကားများမှာလည်း ပွင့်လင်းမြင်သာမှု မရှိသော၊ မရိုးမသား လုပ်တတ်သော အရေခြုံ အစိုးရတရပ်၏ ရုပ်လုံးကို ပီပြင်စွာ ဖော်ပြနေလေသည်။
(ရပ်တည်ချက်ခိုင်မာထက်မြက်သောဗမာအမျိုးသမီးငယ်ကို ဦးအောင်မင်းယှဉ်ပြိုင်ပြီးမပြောနိုင်၊ ညာတာပါတေးလုပ်၍မရ။ လုပ်တာကိုလည်း လက်မခံ။ ဒါပေမဲ့ မူမရှိသော ကေအဲန်ယူ မှခေါင်းဆောင်တချို့တော့ အောင်မင်းပြောသမျှကို ကျောင်းသားလေးများ ဆရာကိုနားထောင်နေသည့်အလား လေးစားမမှုပြု၍ခေါင်းညှိတ်လိုက်။ အရိုအသေပေးလိုက်၊ ဦးအောင်မင်းလမ်းလျှောက်စဉ်နေပူမှာစိုး၍ အပါးတော်နားထီးတော်မိုးလုပ်ပေးလိုက်နှင့် အိနြေ္ဒမရ ကျွန်မှုပြုနေကြသည်။ အောင်မင်းပြောသမျှယုံကြည်လက်ခံပြီး မိမိလုပ်ဖော်ကိုင်ဖက်များကိုယုံကြည်နှိုင်ခြင်းမရှိကြတော့မလောက်ဖြစ်နေသည်။)
ညီညွတ်ရေးကို နှုတ်ကသာ အော်နေပြီး လူမျိုးစုတစုချင်း ၊ အဖွဲ့အစည်းတခုချင်းစီအတွင်းမှာပင် နည်းမျိုးစုံ ဖြင့် သွေးခွဲထားခြင်းခံနေရသော တိုင်းရင်းသားများကို စစ်အုပ်စုက မစိုးရိမ်။ စစ်အုပ်စု တကယ်တမ်း စိုးရိမ်သည်မှာ ၎င်းတို့၏ ပုလိပ်၊ လုံခြုံရေး၊ စစ်တပ် နှင့် ဒလံတွေက မည်မျှပင် သပ်လျှို သွေးခွဲ ခြောက်လှန့် သော်လည်း မိမိတို့ တွေ့ကြုံခံစားနေရသည့် အခြေအနေပေါ်တွင် အချင်းချင်းနားလည်မှုရှိစွာ စည်းလုံးလာ ကြမည်ဖြစ်သော လူထုကြီးကိုသာ ဖြစ်လေသည်။မြေသိမ်းခံ လယ်သမားများအရေး၊ အိုးအိမ်ဖျက်ဆီးခံကြရသူများအရေး၊ စက်ရုံအလုပ်ရုံများမှ အလုပ်သမားများအရေး၊ ဖျက်ဆီးခံ ဘုန်းတော်ကြီးကျောင်းတိုက်များ အရေး၊ ရွှေလုပ်သားများ အရေး၊ ပညာသင်ကြားသည့် နေရာအခက်အခဲ တွေ့နေသော ကျောင်းသားများအရေး၊ လက်ပန်တောင်းတောင် ကြေးနီစီမံကိန်း ဖျက်သိမ်းရေး စသည့် အရေးအရာ ပေါင်းစုံဖြင့် ငြိမ်းချမ်းစွာ ဆန္ဒပြနေသော လူထုအပေါ် အကြမ်းဖက် ဖြိုခွဲ ဖိနှိပ် ဖမ်းဆီးမှုများ၊ များသည်ထက်များလာပြီ ဆိုလျှင်တော့၊ အသားလွတ် ခေါင်းငုံ့ မခံနိုင်တော့သည့် လက်တုန့်ပြန် တွန်းလှန်ရေးသည် မလွဲမသွေ ပေါ်ပေါက်လာရမည် ဖြစ်၏။
(ဒါတွေကိုမျက်ကွယ်ပြုပြီးအောင်မင်းကိုလေးစားသမှုပြုပြီးသခင်ခေါ်နေသော ကေအဲန်ယူမှအုပ်စုငယ်တစုသည် ကရင်ပြည်သူများအကျိုးကိုအကြောင်းပြပြီးကိုယ်ကျိုးရှာဖို့ကြိုစားနေပြီလား၊ ရှာနေကြပြီဟုထင်ပါသည်။)
ဖိနှိပ်မှုကို မတွန်းလှန်လျှင် ရှေ့လျှောက် မကျေနပ်၍ ဆန္ဒပြလိုက်၊ အကြမ်းဖက် ဖြိုခွဲ အဖမ်းအဆီး ခံရလိုက်၊ နာမည်ကောင်းယူကာ ပြန်လွှတ်ပေးခံရလိုက်၊ ဆန္ဒပြန်ပြလိုက်၊ ပြန်၍ အဖမ်းအဆီး အနှိပ်အစက် ခံရလိုက်ဖြင့် မုန့်လုံးစက္ကူကပ် သံသရာမှ ရုန်းထွက်နိုင်လိမ့်မည် မဟုတ်ချေ။ ဗမာပြည်လူထုအနေဖြင့် စစ်မှန်သော ပြည်ထောင်စု နှင့် တကယ်တမ်း ငြိမ်းချမ်းသာယာ ဖွံ့ဖြိုးတိုးတက်သော နိုင်ငံကို တည် ထောင်လိုလျှင် လူထုအတွင်း သွေးခွဲ ဖိနှိပ်အုပ်စိုးကာ တတိုင်းတပြည်လုံးကို ရောင်းစားပြီး ပြည်သူကို ကျွန်ဇာတ်သွင်းခဲ့ကြသော စစ်အုပ်စုနှင့် လက်ပါးစေများအား မဖြိုဖျက် မရှင်းလင်းပဲ နေ၍မရ။ လူထုအပေါ် လိမ်ဥာဏ်ဆင်၍ အကြမ်းဖက် ဖိနှိပ်တတ်သော စစ်အုပ်စု တစုလုံး ပြိုကွဲ ချုပ်ငြိမ်းသွားစေရန်အတွက် အားထုတ်လုပ်ဆောင်ကြရမည် ဖြစ်၏။
(၅)
အပစ်အခတ်ရပ်စဲရေး လုပ်ခဲ့သော ရှမ်းပြည်တိုးတက်ရေးပါတီ အက်စ်အက်စ်ပီပီ/အက်စ်အက်စ် အေ နယ်မြေများတွင် ရက်များမကြာမီက စစ်အုပ်စုတပ်အချို့ ထိုးစစ်ဆင်တိုက်ခိုက်သည့် သတင်းကို ကြားရသည်။ နှစ်ဦးပိုင်း အပစ်အခတ်ရပ်စဲရေး လုပ်ခဲ့သည်မှ စ၍ ယခုအချိန်ထိ တိုက်ပွဲပေါင်း ၅၀ ကျော် ဖြစ်ပွားခဲ့ပြီး ဖြစ်သည်ဟု သိရသည်။ သဘောတူညီချက်များကို မလိုက်နာလျှင် အပစ်အခတ်ရပ်စဲရေး ပျက်နိုင်သည်ဟု ရှမ်းခေါင်းဆောင်က ပြောလိုက်ကြောင်းလည်း ကြားရသည်။ တည်ကြည်မှုမရှိသော ရန်သူ၏ ကတိသစ္စာကို ယုံစား၍မရ။
ကေအိုင်အိုသည် ကေအဲန်ယူနောက် နှစ်ပေါင်း အတန်ကြာမှ တော်လှန်ရေး လုပ်လာခဲ့ပြီး၊ ရန်သူနှင့်လည်း ၁၇ နှစ်တိုင်တိုင် အပစ်အခတ် ရပ်စဲကာ စီးပွားရေးလုပ်ငန်းများ၊ ဒေသဖွံ့ဖြိုးရေးများ လုပ်ခဲ့ သည့် အဖွဲ့အစည်း ဖြစ်သည်။ သို့ရာတွင် ရန်သူ၏ မူမှန်သော လုပ်ရပ်များကြောင့် အပစ်အခတ် ရပ်စဲရေး ပျက်ပြားပြီး ပြန်လည် ခုခံတိုက်ပွဲဝင်ခဲ့ရာတွင် ခိုင်ကျည်သော သန္နိဌာန်ဖြင့် မဆုတ်မနစ် ကြံ့ကြံ့ခံ ရပ်တည် ခဲ့ကြသည်မှာ လေးစားအားကျဖွယ်ရာ ဖြစ်၏ ။
(သို့သော်အောင်မင်းနောက်လိုက်လိုသည့်အုပ်စုကတော့ မောင်ချစ်သူနှင့် ဗဒိုအောင်ဆန်းတို့ကိုသာကြည့်၍ သွားရည်တမြမြနှင့်အားကျနေကြသည်)
ကေအဲန်ယူ အနေဖြင့်မူ ၁၉၄၉ ခုနှစ်ကစ၍ တော်လှန်တိုက်ပွဲဝင်ခဲ့ကြသော်လည်း တော်လှန်ရေး အစ အင်းစိန်တိုက်ပွဲမှာကတည်းက ရန်သူ၏ အယောင်ပြ စေ့စပ်ဆွေးနွေးမှုတွင် အလိမ်ခံထိခဲ့ပြီး၊ အလဲ လဲ အကွဲကွဲ ဆုတ်ခွာရကာ၊ တဗိုလ်တမင်းများ ဖြစ်ခဲ့ရာမှ ခေါင်းဆောင်ကောင်းတို့၏ တည့်မတ် လမ်းညွှန် မှုကြောင့် ပြန်လည်ဦးမော့လာခဲ့ရသည်။ ထိုမှတဖန် အဖွဲ့အစည်းအတွင်း သဘောထားအယူအဆ မကိုက် ညီမှုများ ဖြစ်လာချိန်၊ ရန်သူ၏ ဖဲ့ထုတ်စည်းရုံးမှုအောက် ၁၉၆၃ တွေ့ဆုံဆွေးနွေးရေးကို ကေအာရ်စီ နှင့် ကေအဲန်ယူတို့ အကွဲကွဲအပြားပြား သွားရောက် တွေ့ဆုံခဲ့ကြပြီး၊ တဖွဲ့တည်း သီးခြားသွားတွေ့သော ကေအာရ်စီကော၊ မဟာမိတ်အချို့နှင့်အတူ မဒညတ တပ်ပေါင်းစုအနေဖြင့် သွားရောက် တွေ့ဆုံခဲ့သော ကေအဲန်ယူ အဖွဲ့အစည်းပါ တမျိုးတဖုံစီ အလိမ်ခံထိခဲ့ကြပြန်သည်။
(ယနေ့ကရင်အမျိုးသားတပ်မတော်မှတပ်မဟာတချို့ ကရင်ပြည်သူဖက်ရပ်တည်မလား၊ အောင်မင်းနောက် လိုက်လူစုဖက်ရပ်တည်မလား၊ စစ်အစိုးရလိုကိုယ်ကျိုးရှာမလား ဆိုသည်ကို ပြည်သူများကစိုးရိမ်စွာစောင့်ကြည့်နေပါသည်)
ထို့နောက်ပိုင်းမှ ယနေ့အထိ အကြိမ်ကြိမ်အဖန်ဖန် တွေ့ဆုံခဲ့သမျှ ညှိနှိုင်းဆွေးနွေးမှုများတွင်လည်း ကေအဲန်ယူသည် အလိမ်ခံထိသည့် သင်္ခန်းစာကို ထပ်ခါထပ်ခါ ရရှိခဲ့ပြီ ဖြစ်သည်။ သို့ရာတွင် ဒီကေဘီအေ တို့၊ ဟောင်သရော ငြိမ်းချမ်းရေးအဖွဲ့တို့လို စီးပွားရေးမက်လုံးပေးသိမ်းသွင်းမှုမျိုးကို ကြုံလာရသောအခါမှာ တော့ ကေအဲန်ယူထဲမှ တာဝန်ရှိပုဂ္ဂိုလ်အတော်များများပင် ရန်သူ့ဘက်သို့ ယိမ်းသွားကြသည်။ ရန်သူကို တိုက်ခိုက်ရေး နှောင့်နှေးတွေဝေလာကြသည်။ ကချင်လို ပြတ်ပြတ်သားသား ရပ်တည်မှု မပြုနိုင်တော့ချေ။
ပုဂ္ဂလိကအကျိုးစီးပွားများ ရယူကာ ဘိတ်ထားဝယ် ရေနက်ဆိပ်ကမ်းစီမံကိန်းကို အနှောက်အယှက်မပြုပဲ ဖွင့်ပေးလိုက်သောကြောင့် ဒေသခံပြည်သူလူထုများ ဆုံးရှုံးနစ်နာကြရသည့် ကိစ္စ၊ မိမိနယ်မြေထဲ ရန်သူ့ တပ်တွေ တိုး၍ နေရာယူလာသည့်ကိစ္စ၊ နယ်မြေအတွင်းမှ မဆုတ်ခွာသည့်အပြင် တပ်တွေတိုးပို့နေသည့် ကိစ္စ၊ ရိက္ခာတွေ လက်နက်ခဲယမ်းတွေ တိုးပို့လာသည့်ကိစ္စ၊ ထိုသို့တိုးပို့မှုများ ပြုလုပ်ရန် လမ်းများ ဖောက်နေပြင်နေသည့်ကိစ္စ၊ ကရင်နီနယ်ထဲ သံချပ်ကားတွေ နှင့် စစ်ရေးသင်တန်းကျောင်း ဖွင့်သလိုမျိုး မိမိနယ်မြေထဲ လေကြောင်းစစ်ဆင်ရေး လေ့ကျင့်ခြိမ်းခြောက်ပြသည့်ကိစ္စ တို့ကို ဘာတခုမျှ စောဒက မတက်နိုင်ပဲ ကြိတ်မှိတ်လျစ်လျူရှုနေရသည့် အဖြစ်ကတော့ ကေအဲန်ယူအတွက် သမိုင်းလှနိုင်လိမ့်မည် မဟုတ်။
(ဘိတ်ထားဝယ်ခရိုင်ရေနက်စီမံကိန်း ဖွင့်ပေးလိုက်သည့်ကိစ္စခရိုင်ဥက္ကဌနှင့် အပေါင်းပါများတွင် တာဝန်ရှိပါသလား။ အကြောင်းတစုံတရာကြောင့်အပစ်အခတ်ရပ်စဲရေးသဘောတူညီမှုပျက်သွားပါက လက်ဦးမှုရပြီးသွားသော၊ စစ်ရေးအရအသာစီးစိုးမိုးမှုရပြီးသွားသောရန်သူအားဘယ်လိုတွန်းလှန်ဘို့ ကြိုတင်ပြင်ဆင်ထားပါသလဲ။ လင်စင်းခံခြင်းမှတပါးဘာလမ်းရှိပါသေးသလဲ)
ပြည်တွင်းမှ ကရင်လူမှုအဖွဲ့အစည်းများကလည်း စစ်အုပ်စုနှင့် ငြိမ်းချမ်းရေးလုပ်မည့်ကိစ္စအပေါ် သတိရှိရန်အတွက် ကေအဲန်ယူကို တိုက်တွန်းကြသည်။ အပစ်အခတ်ရပ်စဲရေး ဆွေးနွေးနေဆဲမှာပင် စစ်အုပ်စုက ပိုင်ကျုံ၊ လှိုင်းဘွဲ၊ ရှမ်းရွာသစ် တို့၌ လူထုပိုင် လယ်ဧက နှစ်သောင်းကျော် သုံးသောင်းနီးပါးစီ သိမ်းဆည်းလိုက်သည့် ဖြစ်ရပ်များနှင့် ဆက်လက်သိမ်းယူလာဦးမည့် လုပ်ရပ်များအပေါ် ကေအဲန်ယူ အနေဖြင့် ကရင်လူထု၏ အကျိုးယုတ်လျော့မှုကို အကာအကွယ်ပေးရန် တာဝန်ရှိကြောင်း ပြောဆိုလာကြ သည်။
(အောင်မင်းကိုလေးစားယုံကြည်နေသောအုပ်စုက ဤကိစ္စကိုသူတို့နှင့်မဆိုင်ဟုယူဆနေပါသလား ၊ အောင်မင်းငြိုငြင်မှာစိုးသဖြင့်သူ့အကြိုက်လိုက်ဘာမှမပြောဘဲနေမလား၊ သင်၏လုပ်ရပ်၊ တာဝန်ယူမှုသည်သင်၏ရာထူးနှင့်ထိုက်တန်ပါရဲ့လား)
ယခု ကျင်းပနေသည့် ၁၅ ကြိမ်မြောက် ညီလာခံတွင် ကေအဲန်ယူ ဥက္ကဌကြီးက တာဝန်မှ အနားယူ တော့မည်ဟု ကြေညာလိုက်ကြောင်းနှင့် သင့်တော်သော ဗဟိုခေါင်းဆောင်များကို အများဆန္ဒအတိုင်း ရွေးကောက် တင်မြှောက်သွားမည် ဖြစ်ကြောင်း ကြားသိရသည်။ ကေအဲန်ယူ ခေါင်းဆောင်များအနေဖြင့် မိမိတို့အတွင်း သဘောထား မတူကွဲပြားမှုများကို ဘေးချိတ်ကာ၊ ရန်သူနှင့် လုပ်နေသည့် အပစ်အခတ် ရပ်စဲရေးကိစ္စ၊ မိမိနယ်မြေတွင်း ဥဒဟိုဝင်ရောက် နေရာယူနေသည့်ကိစ္စများ စည်းကမ်းနည်းလမ်းတကျ ဖြစ်စေရန်အတွက် ပြည်တွင်း ပြည်ပ ကရင်အမျိုးသားထု၏ ဆန္ဒနှင့်အညီ ခိုင်မာသောမူတရပ်ကို ညီညွတ် စွာ ချမှတ် အကောင်အထည် ဖော်ကြရမည် ဖြစ်သည်။
တိုင်းရင်းသား လူမျိုးစုံ ပြည်သူများ လွတ်မြောက်ရေးအတွက် ယူအဲန်အက်ဖ်စီလို ညီညွတ်သော တပ်ပေါင်းစု ဖြင့် ကြိုးပမ်းတိုက်ပွဲဝင်နေသည့် ကေအဲန်ယူအနေဖြင့် လောလောဆယ် ဖြစ်ရှိလာနေသော ဗမာနိုင်ငံတွင်း အဖိနှိပ်ခံ ရဟန်းရှင်လူ ပြည်သူလူထု၏ ဆန္ဒပြ တောင်းဆို လှုပ်ရှားများကို မျက်ခြည် မပြတ် စောင့်ကြည့်လျက်၊ စစ်အုပ်စု၏ လွန်ကျူးသော ဖိနှိပ်မှုများကြောင့် အနယ်နယ်အရပ်ရပ်မှ တန်ပြန် အုံကြွလာခဲ့ပြီဆိုလျှင်၊ မိမိတို့၏ မဟာမိတ်များနှင့်အတူ လူထုဘက်မှ ၀င်ရောက် ရပ်တည် တုန့်ပြန်နိုင်ရေး နှောင့်နှေးတွေဝေမှုမရှိရန် နှင့် ဘုံရန်သူကို ဆန့်ကျင်နေသည့် အတိုက်အခံ အင်အားစုများအားလုံး စုစည်း ညီညွတ်ကြရန် အရေးတကြီး လိုအပ်မည် ဖြစ်လေသည်။
No comments:
Post a Comment