ငြိမ်းချမ်းရေး ခြေလှမ်းသစ်ဆီ

ရဲရဲတွေး


စော။ မတွေ့တာတောင်ကြာသွားပြီ၊ နေကောင်းရဲ့လားမန်း။ ကြုံလာပြန်ပြီမို့ ပြောစရာရှိ ပြောရဦးမယ်မန်းရေ။

မန်း။ ကြာသလားလို့စောရေ၊ ပြောစမ်းပါဦး။ ဘာတွေများလဲဗျာ။

စော။ ကျွန်တော်တို့ KNU ကိုယ်စားလှယ်အဖွဲ့ရဲ့ ခုတခေါက် ငြိမ်းချမ်းရေးခရီးစဉ်က အားရစရာကောင်းလိုက်တာဗျာ။ အစီအစဉ်တွေ၊ သတင်းတွေဖတ်ရ၊ ကြားရတာ အမျိုးသားရေးစိတ်၊ ပြည်ထောင်စုစိတ်တွေ ပိုပြီးနိုးကြားလာသလိုခံစားရတယ်။

မန်း။ အောင်မယ်၊ တယ်ဆိုတဲ့စာပါလား။ ဟုတ်ပါတယ်၊ တကယ့်ကိုကျေနပ်ဖွယ်အားမာန်သစ်ခြေလှမ်းတခုဘဲ။ ဒါနဲ့မေးပါရစေ၊ ပထမဆွေးနွေးပွဲကကော မကောင်းလို့လား စော။


စော။ အဲသလိုတော့လည်းမဟုတ်ပါဘူး။ ဒါပေမဲ့ ပထမဆွေးနွေးပွဲက နိုင်ငံရေးအရလေးနက်မှုနည်းပြီး ပေါ့ရွှတ်ရွှတ်နိုင်သလားလို့၊ ကျွန်တော့်တယောက်တည်းရဲ့အမြင်တော့မဟုတ်ဘူးနော်။ ပြည်တွင်းပြည်ပမှာရှိတဲ့ ကရင်အမျိုးသားတွေ၊ မြန်မာ့နိုင်ငံရေးလေ့လာသူတွေ အတော်များများကလည်း အဲသလိုဘဲ ဝေဖန်ရှုမြင်ကြတယ်ဗျ။

မန်း။ ဟုတ်တယ်စော၊ ကျွန်တော့်အမြင်ကတော့ ဦးဆောင်သူရဲ့ထက်မြက်မှု၊ ရိုသားမှု၊ အဖွဲ့တွင်း ဒီမိုကရေစီကျင့်စဉ်ကို စည်းစနစ်တကျလိုက်နာမှု၊ ဥာဏ်အမြှော်အမြင်ရှိမှုတွေနဲ့ တိုက်ရိုက်ဆက်နွယ်နေမလားလို့။

စော။ မန်းကတော့ဗျာ ကျုပ်ရင်ထဲကအမြင်ကို သိလို့်ပြောနေတဲ့အတိုင်းပါလား။ ကျုပ်လဲအဲဒီအတိုင်းဘဲသုံးသပ်မိတယ်ဗျ။ ဆွေးနွေးပွဲကာလမှာရော၊ ဆွေးနွေးပွဲအပြီးမှာပါ ကရင်ပြည်သူတွေရဲ့ အားမလိုအားမရမှု၊ မကျေနပ်မှုတွေပွက်လောရိုက်သွားတါဘဲ။

မန်း။ အဲဒါကြောင့်လည်း KNU ကဦးဆောင်ပြီး အရေးပေါ်ကရင်အမျိုးသားညီလာခံကို ကျင်းပခဲ့တယ်လေ။ ပြည်တွင်းပြည်ပမှာရှိတဲ့ ကရင်တွေရဲ့ အမျိုးသားရေးအမြင်၊ ပြည်ထောင်စုကြီးနဲ့ပတ်သက်တဲ့ နိုင်ငံရေးအမြင်တွေကိုရယူပြီး ကရင်လူထုကြီးရဲ့သဘောထားကို အမှန်တကယ်ကိုယ်စားပြုနိုင်အောင်လို့ပေါ့။ ညီလာခံမှာ လွတ်လပ်စွာ ဆွေးနွေးတင်ပြကြတာ အားရစရာကြီးဗျာ။ ပြင်သင့်တာပြင်၊ လုပ်သင့်တာလုပ်ကြတယ်လေ။ဒီမိုကရေစီကျင့်စဉ်ရဲ့ကောင်းကျိုးရလဒ်ပါဘဲ။

စော။ ကဲပါဗျာ၊ နောက်ပြန်ကြည့်ပြီးသုံးသပ်တာလဲတပိုင်းပေါ့။ လက်ရှိဖြစ်နေတာလေးလဲဆွေးနွေးရအောင်။ ခုတခေါက် KNU ကိုယ်စားလှယ်အဖွဲ့ ၂၁ ယောက်မှာ အမျိုးသမီး ၅ ဦးတောင်ပါနေပါလား။ ကိုယ်စားလှယ်အဖွဲ့ရဲ့ ၂၅% တောင်ဘဲ၊ အတော်ဟုတ်နေပါလားဗျ။ မြန်မာပြည်ရဲ့လက်ရှိ ၂၀၀၈ အခြေခံဖွဲ့စည်းအုပ်ချုပ်ပုံဥပဒေအရ လွှတ်တော်ကိုယ်စားလှယ် ၂၅% ဟာစစ်တပ်ကဖြစ်ရမယ်ဆိုတာကိုအားကျလို့ထင်တယ်။

မန်း။ စောကတော့ဗျာ၊ နောက်နေပြန်ပြီ။ ဟုတ်တယ်စော၊ ကျုပ်တို့ကရင်အမျိုးသမီးတတွေ အမျိုးသားရေး၊ နိုင်ငံရေးမှာ နိုးကြားပါဝင်လာခဲ့တာကြာပါပြီ။ ခုလိုဦးဆောင်မှုအခန်းကဏ္ဍမှာ ထဲထဲဝင်ဝင် ပါဝင်လာနိုင်တာကတော့ တကယ့်ကိုဂုဏ်ယူဝမ်းသာစရာပေါ့ဗျာ။ နိုင်ငံတကာမှာလဲအမျိုးသမီးတွေရဲ့အခန်းကဏ္ဍက တရိပ်ရိပ်နဲ့ကြီးမားလာနေတယ်လေ။

စော။ ဟုတ်ပါ့ဗျား။ မြန်မာပြည်သမိုင်းမှာတော့ ဒေါ်အောင်ဆန်းစုကြည်၊ နော်စီဖိုးရာစိန်၊ နန့်ဇိုယာဖန်းတို့ဟာ ပြည်သူ့ခေါင်းဆောင်၊ အမျိုးသားခေါင်းဆောင်၊ နိုင်ငံကျက်သရေဆောင် အမျိုးသမီးတွေအဖြစ်နဲ့ လေးစားဂုဏ်ယူထိုက်ပါတယ်ဗျား။

မန်း။ ဟေ့၊ ဒါနဲ့နေပါဦးစော။ ကျုပ်တို့ရဲ့ အတွင်းရေးမှူးချုပ်ကြီးက မိန့်ခွန်းပြောတော့ စကားပြန်ကနေတဆင့်ပြောနေရပါလား၊ ဗမာစကားမတတ်ဘူးလားဗျ။

စော။ ဟာ၊ မတတ်ဘဲနေမလားမန်းရဲ့။ အတွင်းရေးမှူးချုပ် နော်စီဖိုးရာစိန်က ကရင်၊ အင်္ဂလိပ်၊ ဗမာ နဲ့ ထိုင်း ၄ဘာသာကိုကျွမ်းကျင်စွာပြောနိုင်တဲ့သူပါ။

မန်း။ ဟုတ်လား၊ ဒါဆိုလဲဘာလို့စကားပြန်တကားကားနဲ့ ပြောနေရတာတုံး။ ဗမာလိုတိုက်ရိုက်ပြောလိုက် ပြီးရောဟာကို။

စော။ ဒီတခါတော့ခင်ဗျားကျုပ်ထက်ညံ့သွားပြီမန်းရေ။ ဗမာလိုပြောတော့ ကောင်းတာပေါ့လေ။ ဒါပေမဲ့ကိုယ့်မိခင်ဘာသာစကားကို ဂုဏ်ယူစွာပြောဆိုနေတော့ ဂုဏ်ယူစရာမဟုတ်ဘူးလား။ နိုင်ငံတကာဆွေးနွေးပွဲတွေမှာ ရုရှား၊ တရုတ်၊ ပြင်သစ်၊ ဗမာ.. အိုဗျာ.. နိုင်ငံခေါင်းဆောင်အားလုံးဟာသူတို့မိခင်ဘာသာစကားကိုသာ စကားပြန်ကတဆင့်ပြောကြတာလေ။ ဒါပေမဲ့သူတို့အားလုံးဟာ အင်္ဂလိပ်စကားကို ကောင်းမွန်စွာပြောနိုင်တဲ့သူတွေချည်းဗျ၊ မဟုတ်ဘူးလား။ ဒါပေမဲ့မိခင်ဘာသာစကားကို လူတိုင်းချစ်ခင်ကြတာဘဲမန်းရယ်။

မန်း။ ဒီလောက်တော့ကျုပ်လဲသိပါတယ်၊ သိပ်မသေချာလို့မေးကြည့်တာပါ။ ကျုပ်လိုဘဲသိပ်မသေချာတဲ့လူတွေအတွက် ရှင်းပြီးသားဖြစ်သွားတာပေါ့ မဟုတ်ဘူးလား။ ကဲကဲ ပြောရင်းဆိုရင်း ခင်ဗျားက အမှတ်ယူနေပြန်ပြီ၊ နောက်တခေါက်တွေ့တော့မှ ဆက်ပြောကြသေးတာပေါ့။ သွားဦးမယ်ဗျို့။

စော။ ကောင်းပါပြီဗျား။ ကျုပ်ကိုကျေးဇူးတင်စကားလေး ပြောသွားဦးလေ၊ ဟားဟားဟား။

ရဲရဲတွေး (၇. ၄.၂၀၁၂)