ရည်ရွယ်ရာ..

ဤနေရာကား ခင်မင်သူမိတ်ဆွေသင်္ဂဟများ၏ ကိုယ်တွေ့ဘ၀ဖြတ်သန်းမှုများနှင့် ရင်တွင်းဖြစ်ဘ၀အတွေးအမြင်များ၊ အမျိုးသားရေး၊ နိုင်ငံရေးအသိအမြင်များအား နားခို ဖူးပွင့် ခွင့်ပြုရာနေရာလေး ဖြစ်ပါသည်။ အဆွေရဲ့ ခံစားမှု၊ အတွေး အမြင်များအား သီကုံးဝေမျှလိုပါက sawlu27@gmail.com သို့ဆက်သွယ်ပေးပို့နိုင်ပါသည်။

Wednesday, July 25, 2012

အစမကောင်းသော ရခိုင်နှင့်ရိုဟင်ဂျာ ပြဿနာ (၂)

မောင်စင်ကြယ်

တစ်

ခြေလျင်သွားရသောကုန်းလမ်းခရီးကုန်ဆုံးသောအခါလူသားတို့ဟာသင်္ဘောများ တည်ဆောက်၍ ရေလမ်းမှတဆင့်ခရီးဆက်ကြပြန်ပါတယ်။ ရေလမ်းခရီးမှာစပိန်ပါဝင်သောဥရောပတိုက်သားများဟာ အာရှ၊ အာဖရိက၊ ဥရောပသားများထက် ဦးနှောက်ကောင်းကြတော့ ပထမမှာကုန်သည်တွေ၊ သာသနာပြုတွေ၊ နောက်ပိုင်းမှာတော့ အာဖရိကသားများကို ကျွန်ကုန်ကူးပြီး နယ်မြေများကိုပါသိမ်းပိုက်ပါတော့တယ်။





ကိုလန်ဘတ်ဟာ တောင်အမေရိကကိုရှာဖွေတွေ့ရှိရာမှ နောက်ဆုံးမှာအမေရိကားကုန်းမြေကိုပါတွေ့ရှိပါတော့တယ်။ ဗာစကိုဒဂါးမားဟာလည်း အန္တလန္တိတ်မှတဆင့် အာရှတိုက်သို့အထိ ထိုးဖောက်လာနိုင်ခဲ့ပါတယ်။ ကပတိန်ကွတ်  တော့ သြစတြေလျ နဲ့ပစိဖိတ်သမုဒ္ဒရာထဲအထိရောက်လာခဲ့ပါတယ်။ အဲဒီမှာမွန်ဂိုတို့အလှည့်ပြီးတဲ့နောက် ကမ္ဘာမှာဥရောပတိုက်သားနယ်မြေသစ်ရှာဖွေသူများဟာ ကမ္ဘာ့ရေပြင်မှတဆင့် မြေပြင်အရပ်ရပ်သို့ခြေချလာနိုင်ခဲ့ပါတယ်။

အဲဒီအချိန်ကာလမှာ တရုတ်ပြည်ရဲ့ အနောက်တောင်ဖက်မှတဆင့် မနုဿဗေဒကျွမ်းကျင်သူ၊ သမိုင်းကိုလေ့လာသိရှိသူများရဲ့ပြောစကားအရ အကျိူးတူလူမျိုးတမျိုးဖြစ်လာမည့် (တိဗက်-မြန်မာ၊ မွန်-ခမာ၊ ထိုင်း-တရုတ်) လူမျိုးသုံးသွယ်ဟာ ဒီနိုင်ငံမှာခြေချနေထိုင်လာခဲ့ကြတာပါ။ ဒီလူမျိုးသုံးသွယ်မှာ ရိုးသားစွာဆိုရရင် ရိုဟင်ဂျာလူမျိုးဆိုတာတော့ ဆရာကြီးဦးဘသန်းရဲ့ကျောင်းသုံးရာဇ၀င်နဲ့ ဆရာကြီးကိုးကားတဲ့စာအုပ်များအပါအ၀င် မပါရှိတာအမှန်ပါဘဲ။

အဲဒီကတဆင့်ပေါ့ စောမျိုးဆက်ရေ..
ရန်ကုန်အရှေ့ဖျားတက္ကသိုလ် သမိုင်းပါမောက္ခဆရာကြီး လုစ် (Luce) နဲ့ မြန်မာသမိုင်းပညာရှင်များစောဒကတက်ဆွေးနွေးကြရာမှာ မြန်မာပညာရှင်များက မြန်မာအစတကောင်းက ဖြစ်ပြီး ဆရာကြီးလုစ်က မြန်မာအစကျောက်ဆည်က ဟုဆိုရာမှာလည်း ရိုဟင်ဂျာ ကိုတော့မတွေ့ရတာအမှန်ပါ။ ဒီနေရာမှာတော့ ဆရာကြီးဦးဘသန်းက သူ့ရဲ့ကျောင်းသုံး မြန်မာရာဇ၀င်မှာ အခြားသောမြန်မာပညာရှင်များနည်းတူ မြန်မာအစတကောင်းကကို မြန်မာပြည်သို့ အဘိရာဇာ ၀င်ရောက်လာရာပုံ၊ မြေပုံတချပ်နဲ့ ထိုစဉ်ကမြန်မာပြည်ရဲ့နယ်နမိတ်ကိုဖော်ပြထားတဲ့မြေပုံတချပ်၊ စုစုပေါင်းမြေပုံနှစ်ချပ်ကိုဖော်ပြထားရာမှာရှမ်းပြည်နယ်နမိတ်၊ ရခိုင်နယ်နမိတ်၊ မွန်နယ်နမိတ်နဲ့ ပျူကမ်းယံသက် နယ်နမိတ်တို့ကိုရိုးသားစွာဖော်ပြထားပါတယ်။

အဲဒီမြေပုံနှစ်ခုအရဆိုရင် အဘိရာဇာဝင်လာရာလမ်းဟာ ဟူးကောင်းတောင်ကြားလမ်းနဲ့ ဗြမပုတ္တရမြစ်ရိုးကဖြစ်ကြောင်းတွေ့ရမှာပါ။ ဆရာကြီးတနေရာမှာဖော်ပြထားတာက “ထိုအခါကအိန္ဒိယနှင့်ကုန်းလမ်းခရီး၊ ရေလမ်းခရီးတို့ဖြင့်အဆက်အသွယ်ရှိသည့် အိန္ဒိယပြည်မြောက်ပိုင်းမှ အဘိရာဇာကုန်းလမ်းခရီးဖြင့်လာသည်။ မွန်တို့တိုင်းပြည်သို့ အန္ဒိယတိုင်းသားမင်းတို့ ရေလမ်းခရီးမှလာသည်။ ထိုမင်းများအပြင်ဟိန္ဒူလူမျိုးကုန်သည်တို့လည်း အမြောက်အများလာရောက်ကြသည်။ ရံဖန်ရံခါကုလားတို့နှင့်မွန်လူမျိုးတို့တိုက်ခိုက်ကြကြောင်း ရာဇ၀င်အဆိုရှိသည်” ဟုရေးသားဖော်ပြထားပါသည်။

ပထမကောင်းဆက်မှာ အလုံးအရင်းနဲ့ဝင်ရောက်လာသူက အဘိရာဇာဖြစ်ပြီး ဒုတိယတကောင်းဆက်မှာ အလုံးအရင်းနဲ့ဝင်ရောက်လာသူက သာကီဝင်မင်း ဓဇရာဇာ ဖြစ်ပြီး အိန္ဒိယ (မဇ္ဈိမ) ဒေသမှာဘုရားပွင့်ပြီဖြစ်လို့ ဗုဒွဘာသာဝင်းမင်းများဖြစ်ကြောင်းဆရာကြီးကရေးသားထားပါတယ်။


နှစ်

နောက်တချက်က သမိုင်းကိုနောက်ခံပြီး စာအုပ်ကိုရေးလေ့ရေးထရှိကြတဲ့ မျက်နှာဖြူအရေးပိုင်မင်း “မောရစ်ကောလင်း” နဲ့ သတင်းစာဆရာကြီးသူရိယဦးသိန်းမောင်တို့ရဲ့ ရေးသားချကျတွေပဲဖြစ်ကြပါတယ်။ ဆရာကြီးမောရစ်ကောလင်းက သူ့ရဲ့ သူမသည်မိဖုရားကြီးတပါး (She was a queen) နဲ့ ရတနာရွှေပြည် (Image of golden land) စာအုပ်တို့မှာ ပုဂံကောင်းစားစဉ်ခေတ်က အိန္ဒိယသားအိမ်ထောင်စုပေါင်း သုံးထောင်ကျော်ရှိကြောင်းရေးသားချက်ရယ်၊ ဆရာကြီးသူရိယဦးသိန်းမောင်က သူ့ရဲ့ ရာဇသင်္ကြန် စာအုပ်နဲ့ ဆရာကြီးဦးဘသန်း၏ ပုဂံမင်းဆက်မှကျန်စစ်သားမင်းလက်ထက်မှာ မိဖုရားအပယ်ရတနာမှမြင်သော သမီးတော်ရွှေအိမ်ဆည်ကို ကုလားမင်းသား ပဋိက္ကရာနှင့်ရည်ငံရာမှ အမတ်တို့နှင့်တိုင်ပင်၍ စောလူးမင်းရဲ့သားတော် စောယွန်းနှင့်စုံမက်စေကြောင်းတို့ကိုထောက်ထား၍ ထိုစဉ်ကပင်မြန်မာတို့ရဲ့သဘောထားကိုသိနိုင်လောက်ပါသည်။

စောမျိုးဆက်ရေ၊ ကိုယ်ကသမိုင်းဆရာမဟုတ်ဘဲ သမိုင်းအထောက်အထားနဲ့ပြောပြချင်တာကတော့ ဆရာကြီးမောရစ်ကောလင်းဟာ အရေးပိုင်ဘ၀မှာ ဗြိတိသျှတွေ ငြိုငြင်တော့ တနင်္သာရီတိုင်းနှင့် ရခိုင်တိုင်းမှာသာ တာဝန်ထမ်းခဲ့ရသူပါ။ အငြိမ်းစားယူပြီးတဲ့နောက်မှာမှ မိတ်ဆွေတွေရဲ့ကောင်းမှုနဲ့ရှမ်းပြည်ဖက်ကိုရောက်လာပြီး တဲ့နောက် စောဘဦးကြီးရှေ့နေလိုက်တဲ့အမှုဖြစ်တဲ့ ကျိုင်းတုံစော်ဘွားကြီးနန်းတွင်းလုပ်ကြံမှု တရားခွင်ထဲထိ သူဝင်ရောက်ပြီးနားထောင်ခဲ့တာပါ။ ဆရာကြီးက တနင်္သာရီတိုင်းအရေးပိုင်ဘ၀မှာ ယိုးဒယားဖြူ (Siamese White) ကိုရေးခဲ့ပြီး ရခိုင်တိုင်းအရေးပိုင်ဘ၀မှာတော့ ရတနာရွှေပြည် (Image of golden land) ကိုရေးရာမှာ ခရစ်ယာန်ဘုန်းကြီးတပါးဟာ အိန္ဒယနိုင်ငံရဲ့အနောက်ဖက်ကမ်းခြေ ဂိုအာနယ် (Goa) ပေါ်တူဂီပိုင်ကိုဖြတ်ပြီး ထိုစဉ်ကရခိုင်ဘုရင်အုပ်စိုးနေတဲ့ မြို့ဟောင်းနေပြည်တော်ကိုရောက်လာတဲ့အကြောင်းပါ။ ရခိုင်ဘုရင်ရဲ့ မြောက်ဦးမြို့ဟောင်းနေပြည်တော်မှာ လုံခြုံရေးထားတဲ့ ၀န်ထမ်းတွေထဲက ဂျပန်ဆာမူရိုင်းတွေတောင်ရှိတယ်ဆိုတဲ့ အကြောင်းပါ။ လမ်းခရီးတလျှောက်မှာဘဲဖြစ်ဖြစ်၊ မြို့ဟောင်းနေပြည်တော်မှာဘဲဖြစ်ဖြစ် ရိုဟင်ဂျာတော့အလျင်းမပါပါဘူးကွယ်။

ဆက်ရန်..



No comments: